Lashana Lynch ada karengi agle James Bond ka kirdar, abhinetri ne ki pushti

Bond Franchise: Jab se No Time To Die ka trailer release huva hai tab se Bond franchise mein Lashana Lynch ki bhumika ko lekar kai tarah ke atkale lagaye jaa rahe hein the. par ab abhinetri Lasahana Lunch ne pushti kardi hai ki unka kirdar hi aage ki bond series mein mukhya kirdar mein najar aane vali hain.

Via Twitter

Harper's Bazaar mein apne interview ke dauran Lashana Lynch ne iss khabar ka khulasa kiya. sath hi unhone online ho rahi apni burai ke bare mein bhi bataya. aur kaha,

"mein ashvet mahila (black woman) hun. agar yah bhumika mein ek aur ashvet mahila hoti to bhi yahi batchit chal rahi hoti, use bhi aise hi hamle aur gaali milti."

Sath hi unhone kaha, "Muje bus khud ko yaad dilana hai ki batchit ho rahi hai aur mein uss chinz ka hissa hu jo bahut, bahut krantikari hai."

Lashana Lynch aane vali movies mein Daniel Craig ko replace karke Bond franchise ke sabse iconic kirdar James Bond aka 007 ki jagah legi.

No Time To Die mein apne kirdar Nomi ke bare mein baat karte huve abhinetri ne kaha, "vo kirdar bahut hi chalak hai aur ek kachcha lohaa hai: mein jo bhi sochati hu vo uske khilaf hai. aur isi liye Nomi ke kirdar ko ada karne ke avasar barbad karna nahi chahati thi."

"meine script mein kam se kam ek kshan dekha, jahan vastavikta ko dekhate hue black audience ke sadashya apne sar hilaenge. aur vastavikta ka pratinidhitva karte hue khushi mehsus karenge. har project mein main hissa hu, koi farak nahi padta ki kya budget aur genre hai, par black anubhav jo mein prastut kar rahi hu vo 100% pramanik hona chahiye.

Lashana Lynch ka kirdar Nomi hume agali James Bond movie No Time To Die mein pehli baar najar aane vala hai.

No Time To Die Trailer - Hindi

 

Recommended Read: RRR mein Komaram Bheem ko topi mein dekh bhadake BJP neta