'Wonder Woman' director Patty Jenkins ne Cinemagharo ko lekar jatai chinta

Movies News : Director Patty Jenkins Jinki much awaited upcoming movie Wonder Woman 1984 jo 3 baar delay ho chuki hai unhone cinemagharo ke band hone par jatai chinta. 

2020 mein jaha COVID 19 ki mahamari ki vajah se cinemagharo par jaise taale lagg chuke hai aur Mulan jaisi big budget ki movies bhi theaters ke bajay OTT platform par release ho rahi hai vaha cinemagharo ke vilupt hone par director Patty Jenkins ne chinta jatai.

Reuters mein apne interview ke duaran Jenkins ne kaha, "agar hum abhi unhe (cimenagharo) ko puri tarah band kar denge to fir unhe kabhi vapas khol nahi payenge. hum cinemagharo ko hamesha ke liye kho denge."

Sath hi unhone kaha, "muje nahi lagta hai ke hum mein se koi bhi ek aisi duniya mein rahna pasand karega, jaha apne living room mein hi movie dekhana apke bachon ke liye ek matra vikalp ho aur naa hi date pe jane ke liye koi jagah ho"

Wonder Woman 1984 ab December 25, 2020 mein chrishmas par release hone vali hai. jaha Gal Gadot ke sath Chris Pine, Pedro pascal aur Kristen Wiig najar ane vale hein. 

Apko kya laga hai! cinemaghar jald se jald khulne chahiye ? aur kya aap Patty Jenkins ki baato se sehmat hai ya nahi ? comment section mein apni rai de.

Recommended Reads: Muttiah Muralitharan Biopic: Vijay Sethupathi nibhayenge Muralitharan ka kirdaaar