-->
Rana Duggubati ki 'Haathi Mere Saathi', Makar Sankranti ko hogi release

Rana Duggubati ki 'Haathi Mere Saathi', Makar Sankranti ko hogi release

South Movie: Tamil actor Rana Duggubati ki much awaited action drama Haathi Mere Saathi ab Agle saal January mein Makar Sankranti par hogi release.

Tamil actor Rana Duggubati's much awaited action drama Haathi Mere Sathi will release on Makar Sankranti in January 2021.

Actor Rana Duggubati ne Twitter par official motion poster ko share karte huve iss bat ki pushti ki.

Movie ko Prabhu Solomon ne direct kiya hain aur movie India ki alag alag bhasha mein dub hokar alag alag naam se release hogi. Movie Telugu men Aranya, Tamil mein Kaadan aur Hindi mein Haathi Mere Sathi naam se release hone vali hain.

Haathi Mere Sathi mein Rana Duggubati ne environmental activist Jadav Payeng aka The Forest Man of India se prerit ek kirdar nibhaya hain jo jungle kaat kar shaherikarna ke khilaf hain.

Pichle saal Hindustan Times ke ek interview mein Rana Duggubati ke kaha tha ki Haathi Mere Sathi Mein kaam karna Bahubali mein kam karne se bhi jyada chunautipurn tha. Duggubati ne movie mein asli haathiyon ke sath kaam kiya hain.

Rana ne kaha "asli haathiyon ke sath kaam karna uper se romanchak lag sakta hain lekin yah behad thakavat bhara tha. shooting ke 10 din mein mene Rajmauli sir ko phone kiya aur bataya ki project kitana chunautipurn hai. par yah utna hi romanchak bhi tha kyunki hum kuch alag kar rahe the. hum ek bahut bade mudde ki kahani bayan karne vale the"

Sath hi unhone kaha tha,"ye kahani nishchit roop se unn durlabh chunautiyon mein se ek hai jiska hissa hone ka anand lena shuru kar raha hu. Prakrti aur haathiyon ke liye Prabhu Solomon ki Deevangi, unhe desh ka shayad sabse behtarin shilpkar banati hai jo itni achhi tarah kahani ko sambhal sakte hain."

Bata de ki Haathi Mere Saathi mein Rana Duggubati ke sath Vishnu Vishal, Pulkit Samrat, Zoya Hussain aur Shriya Pilgaonkar bhi shamil hain.

Movie ka music Shantanu Moitra ne diya hai aur cinematography A. R. Ashok Kumar ne ki hain.

Recommended Read: Fast & Furious Franchise: 11vi movie se hoga saga ka ant

0 Response to "Rana Duggubati ki 'Haathi Mere Saathi', Makar Sankranti ko hogi release"

टिप्पणी पोस्ट करें