-->
Bicchoo ka Khel: Mirzapur ke Munna Bhaiya ka Banarasi version - Dekhiye Trailer

Bicchoo ka Khel: Mirzapur ke Munna Bhaiya ka Banarasi version - Dekhiye Trailer

Webseries: AltBalaji ki aane vali dhakad web series Bicchoo ka khel ka trailer release ho chuka hain. jo Mirzapur ki hi tarah UP ke Banaras mein crime, badale aur politics ko ek alag andaz ya kahu bhaukaal andaaz mein dikhane vala hain.

Bicchoo ka khel starring Mirzapur Fame Divyenndu Sharmaa, Zeishan Quadri,  Mukul Chadda and more will stream on AltBalaj and ZEE5 on Nov 18.
Via Twitter @akibaliii

Mirzapur mein Munna Bhaiya se suprasidh Divyenndu Sharmaa ke sath Zeishan Quadri, Mukul Chadda, Anshul Chauhan, Rajesh Sharma, Gagan Anand aur Satyajit Sharma bhi series mein shamil hain.

Series Utter Pradesh ke Banaras mein stith hogi jo Divyenndu ke kirdar Akhil Shrivastav ki kahani ko bayan karegi jo apne pita ki maut ka badla lena chahata hain.

Trailer dekh kar ye kehna mushkil hain ki hum screen par Shrivastav ko dekh rahe hain ya Munna Bhaiya ko. kyunki dialogue delivery se lekar look tak sabhi chize hume Munna Bhiaya ki yaad dilati hain.

Log YT comments me ye tak likh rahe hain ki "Bhai aisa lag raha hain maano Mirzapur ke Munna Bhaiya ki personal life ki story iss series mein dikhayi jayegi."

Divyenndu ne bhi apne kirdar aur series ko lekar kaha "mein series ko lekar bahut hi jyada utsahit hu kyunki muje ek aisa kirdar nibhane ko mila jiski muje lambe samay se talash thi. mera kirdar akhil ek buddhimaan yuva hain jo pulp fiction ka prashansak hai. mein sach mein darshako aur prashansako ki pratikriya ka intazar kar raha hu jinhone hamesha unn kirdar ko pasand kiya hain jinhe mene ada kiya hain."

AltBalaji ne bhi trailer ke caption mein likha "Guru, dil thaam ke baitho, kyunki ab bawaal hoga, aur woh bhi top waala! Har kadam par khel jaaega woh, har kisi ke mind ko uljhayega woh, kyunki yeh hai Bicchoo Ka Khel."

Bicchoo Ka Khel November 18, 2020 ko AltBalaji aur ZEE5 par release hogi.

Recommended Read: Nagin Trilogy: Shraddha Kapoor ada karengi roop badalne vali nagin ka kirdar

0 Response to "Bicchoo ka Khel: Mirzapur ke Munna Bhaiya ka Banarasi version - Dekhiye Trailer"

टिप्पणी पोस्ट करें