Tom Cruise October 2021 mein NASA ki madad se jayegnge Space mein

Movie News: Mr. Actionstar Tom Cruise, apni action scenes ki hadd ko parr karte huve ek aur kadam badhane vale hai. jaha reports ki mane to vo ab real space mein stunt karte huve najar ane vale hai. jaisa ki unhone May 2020 mein iske bare mein bataya tha ki vo Elon Musk ki SpaceX ke sath space mein shooting par kaam kar rahe hai. aur ab lagta hai ye sach hone vala hai.

Agar NME ki mane to Tom Cruise October 2021 mein NASA ki madad se Space mein jane vale hai. NME ne sath mein ye bhi kaha "iss project par achhe se kaam ho raha hai, Space Shuttle Almanac ne bhi Twitter par iski pushti ki hai. Axiom Space Station apne pilot Commander Michael Lopez-Alegrie, Cruise, Director Liman aur unke crew ke sath October 2021 ko yatri mission ke liye ravana hoga."

So its confirmed that @CommanderMLA is flying the @Axiom_Space @SpaceX #CrewDragon tourist mission with Director @DougLiman & Tom Cruise. One seat still to be filled. They are to launch in October, 2021. pic.twitter.com/dn6SLvCOGz

— Space Shuttle Almanac (@ShuttleAlmanac) September 19, 2020

Jim Bridenstine jo NASA mein kaam karte hai unhone bhi iss daave ko sacha thahraya aur kaha "NASA ISS par Tom Cruise ke sath ek film par kaam karne ke liye utsahit hai! NASA ki mahatvakanshit mansubo ko vastavik banane ke liye hume agli pidhi ki engineers aur scientists ko prerit karne ke liye lokpriya media ki jarurat hai."

Movie ko Edge of The Tomorrow aur The Bourne Identity jaise behtarin movie direct karne vale Dough Liman direct karege jise Universal Studios Dhwara produce kiya jayega. movie ka budget lagbhag $200 million dollars hone vala hai. 

Tom Cruise abhi apni satvi Mission Impossible ki shooting par kaam kar rahe hai. aur sath hi vo apni behatrain movie Top Gun 1986 ke sequel Top Gun: Maverick mein 2021 mein najar ayege.

Recommended Reads: Ka/Pae. Ranasingham: Ab October 02 ko ZeePlex par hogi release