Tiger shroff ki nayi movie hogi ek sport drama boxer ke roop mein ayenge najar

Bollywood News: Bollywood ke action star mein se ek Tiger Shroff ne apni agali movie ke liye kamar kass li hai. Tiger Shroff Apni pichhli movie Baaghi 3 ke baad ab hume director Vikas Bahl ki ane vali movie Ganpat mein dikhne vale hai. Ganpat, sport drama movie hogi aur movie mein Tiger Shroff boxer ke kirdaar mein najar ayenge. 

Tiger Shroff play boxer in his upcoming sports drama movie Ganpat
Via Weboblivion

Iss Waqt Tiger Shroff Hollywood ki best action movies series mein se ek Rambo ke remake par kaam kar rahe par sutro se pata chala hai ki lockdown ke khatam hone ke baad vo Rambo movie ki bajay Ganpat movie par kaam karenge.

Mumbai Mirror ko kisine ne bataya "Gantpat Mumbai ki mulbhut sport drama hai. jaha Tiger Shroff pehli baar ek boxer ke roop mein dikhenge. Vikas Bahl bahut waqt se script par kaam kar rahe they aur Tiger jise MMA, wrestling aur boxing pasand hai vo aisi hi kisi film ki talash mein tha. aur fir jab Vikas ne use script sunai to Tiger Shroff ne fatt se 'ha' kardi"

Tiger ne lockdown mein hi film ki traning shuru kar di hai. Aur ring sequences ke liye vo boxing sikh rahe hai. 

Director Vikas bahl isse pehle Queen Aur Super 30 Jaisi blockbuster movie de chuke hai par Tiger Shorff ke sath ye unka pehla project hone vala hai.  

Post a Comment

0 Comments