Ginny Weds Sunny: Netflix ki Bollywood Rom-Com movie October mein hogi release

OTT News: Abhineta Vikrant Massey aur abhinetri Yami Gautam ki anevali romantic-comedy movie Ginny Weds Sunny ab Netflix par hogi release. 

Netflix India ne apne Twitter par Ginny Weds Sunny ke pehle song "LOL" ke teaser ko release karte huve movie ke release date ki announcement ki hai. Song mein Kaabil se Yami Guatam aur Mirzapur se Vikrant Massey najar aate hai. aur song ko Payal Dev ne gaya aur compose kiya hai jise Kunaal Vermaa ne likha hai. 

A couple that LOLs together stays together (hopefully) 😉 #GinnyWedsSunny@yamigautam @masseysahib @puneetrkhanna @vinodbachchan @SoundryaProd @Sumitaroraa @Navjotalive @sonymusicindia pic.twitter.com/GwTW2ncwKg

— Netflix India (@NetflixIndia) September 20, 2020

Ginny Weds Sunny - kahani dilhi ki Ginny ki hai jo apni matchmaker maa ke sath rehti hai. aur Ginny ko Sunny ke paas bheja jata hai. jisne pyar se haar maan li hai aur vo bus jald se jald shadi karke zindagi mein settle hona chahta hai. 

Movie ki kahani ko Navjot Gulati ne likha hai jise Puneet Khanna ne direct kiya hai. 

Vikrant Massy issi mahine apni behtarin Sci-fi movie Cargo mein bhi najar aye they. jise critics se lekar aam logo tak sabse thik thak response mila hai. aur Yami Guatam 2019 ki Super Hit movie Bala ke baad ab iss movie mein dikhne vali hai. 

Ginny Weds Sunny, October 09, 2020 ko Netflix par release hone vali hai. 

LOL Song.

Recommended Reads: kya Sach mein Tom Hardy agle James Bond honge ?