The Family Man 2: Dubbing Shuru, Season 2 mein hogi Samantha Akkineni

OTT News: India ki most awaited web series mein se ek The Family Man season 2 ki dubbing shuru ho chuki hai, Sardar khan ne Twitter par bataya ye. 

Sardar khan aka Manoj Bajpayee ne kal apne Twitter par ek post share karte huye kaha "THE FAMILY MAN 2 ki dubbing ke liye"

Dubbing for THE FAMILY MAN 2 ....!! @rajndk @Suparn @PrimeVideo @sharibhashmi @priyamani6 @SharadK7 and @Samanthaprabhu2 pic.twitter.com/fLjWegk9Lu

— manoj bajpayee (@BajpayeeManoj) September 12, 2020

The Family Man ka season 1 critics se lekar aam logo tak sabko pasand aya tha jaha series ko pichhle saal ek aise modd par chhoda tha ki har koi series ke season 2 ko lekar bechain hai. 

The Family Man - kahani middle class par World-class secret agent Srikant Tiwari ki hai jo apne missions aur ghar ke maslo ke bich balance karne koshish karta rehta hai.

The Family Man ko A Gentleman aur Go Goa Gone movie banane vale director Raj Nidimoru aur Krishna DK aka Raj & DK ne sath milkar banaya hai. 

Season 1 mein Manoj Bajpayee ke sath Priyamani, Sharib Hashmi, Pawan Chopra, Kishore Kumar, Neeraj Madav aur Gul Panag najar aye they. 

Aur isi list mein ek aur naam jud chuka hai. jaha ab South Industries mein S/O Satyamurthy aur 24 jaisi movie mein dikh chuki Samantha Akkineni bhi apna digital debut The Family Man Season 2 se karne vali hai. 

Recommended Read: Crackdown: Voot Select ki ek aur action Thriller series, Teaser huva release